Slow Food “Terra Madre Day”, “Ardoaraba”ko Txoko Gastronomikoan

Azken urteetan ohikoa izan den bezala, Slow Food Araba-ren “Terra Madre Day” Ardoaraba-ren Txoko Gastronomikoan ospatu zen. Guztira, 60 lagunek baino gehiagok hartu zuten parte, eta Arabako mahastizainen eta sukaldarien lan ona ezagutu zuten. Hitzordua “Sukaldarien Aliantza – Km0” eta “Slow Food Farms” (Finka Agroekologikoak) aurkeztu eta egun batzuetara egin zen.

Jardunaldia hasteko, “Sukaldarien Aliantza – Km0” eta “Slow Food Farms” sukaldarien arteko aliantza ikusi eta testuinguruan kokatu zen. Aitor Buendía Txoko Gastronomikoko koordinatzaile eta Slow Food Araba elkarteko kideak Jose Antonio Arberas Slow Food Araba elkarteko presidenteari eman zion hitza, eta hark azaldu zituen xehetasun guztiak. Hortik aurrera, Km0 produktuen dastaketa izan zen, honako hauen eskutik:

– Eduardo Pérez de Azpillaga (Lantziego) “Azpillaga Urarte” upeltegia.
– “Tosta bakailao brandada batekin eta bere lauza konfitatuekin”, Luis Angel Plágaro “Sukalki”.
– Hector Erasoren Oliba Olio Birjina Estra dastaketa “OliOlive” -rekin (Moreda, Araba).
– “Patata alavesa, trufa de Montaña Alavesa, sal de Salinas de añana y aceite de OliOlive”, Maite González Slow Food Araba.
– “Kalabaza pure errea, Soloitzako gazta urdina, Añanako gatza eta Urturiko pistatxo garrapinatuak” Trebiñuko “Urgora” jatetxeko Laura Muñozen eskutik.